曾華倩偷Bra賀壽梅小惠嚇呆 2005-4-29          梅小惠慶祝生日不忘行善，生日會為福幼基金籌得逾四萬元，其中好姊妹曾華倩表演魔術，當眾變出小惠的胸圍，把壽星女嚇了一跳，原來只是一場虛驚！ 梅小惠日前舉行生日會，逾百位朋友為她慶祝，每年的生日會均有主題的她，今年的主題是「歡樂滿東華」式慈善派對，賀禮折現全數撥捐福幼基金。她還邀請好姊妹表演，讓現場嘉賓捐款贊助，最後籌款最高項目「造馬」由壽星女包辦，而其好姊妹郭少芸因歌喉太差，慘得「零捐款」最失禮！ 阮兆祥踢爆Size唔     最精采的演出，可算是曾華倩的魔術表演！她竟把小惠的胸圍當眾拉出來，把小惠嚇一跳：「華倩拉出個白色胸圍，我咁嘅嗰晚又係戴白色，真係以為佢拉咗出嚟，所以嚇到大叫！阮兆祥喺旁邊話個胸圍太細，我定一定神先知唔係！」 當晚共籌得四萬多元，最令小惠感動的是一班好朋友：「啲朋友將禮物錢折現捐出後，仍然好慷慨再捐錢，真係好好！華倩為咗魔術表演早就去學，商界女強人陳妙瑛就百忙抽空出席，所以我幾姊妹唱《朋友》時感動到眼濕濕。今年我特登叫埋屋企人一齊玩，將開心同佢哋分享，呢個生日會好圓滿、好有意思。」