有日看見呂方頭耷耷地跟一隻狗對話，，原來他剛接受輸精管結紮手術！幸好，一切只是新劇《當狗愛上貓》的劇情，現實生活中的他寧死不紮！ 呂方早前與曾華倩在跑馬地一個狗公園為《當狗愛上貓》拍外景，他不時與一頭大狗細細聲說話，十足談心一樣，原來劇情講述他太愛華倩，最終不情不願地接受結紮手術，自信心全失的他，只好跟愛犬訴苦。呂方笑說：「做戲而已！通常都係要我做好人，畀人蝦。（現實生活肯唔肯紮？）咁樣會令男人冇晒自信，冇人咁做喇！」 談及這個大好人角色，呂方坦言想求變：「我真係唔想再做好人，想試下做『唔聲唔聲嚇你一驚的小霸王，有的人個樣似易畀人蝦，但未必好蝦，唔係睇樣的；有個樣好，但其實衰到貼地！」 曾華倩贊成貯卵另一邊廂，華倩亦不贊成另一半做結紮手術，她認為傳宗接代是天職：「我係個比較保守的人，雖然好似話紮了可以解，但解唔到點算？好似外國咁貯定些精子同卵子，以備不時之需都好。（你有冇貯呀？）我就唔使喇！因為我完成了我的任務，生了個仔嘛！」